Saturday, June 16, 2007

اقتراحات رجل مسيحي للقضاء على الفتنة

ده رد رجل مسيحي على الموضوع في منتدى كفاية وهناك ردود أخرى ستنقل تباعاً
بالنسبه لموضوع المسيحيين انا سبق وقلت اننا هنا فى مصر عندنا ثقافه اسلاميه تجعلنا نعرف ونسمع ونرى ونعيش كل الثقافات الاسلاميه لان الاعلام بكل مساراته اعلام دوله اسلاميه وخد عندك برامج وصفحات واذاعه ليل ونهار كله اسلامى ولاتعتقد ان هذا مش عاجبنا لكن كل الحكايه ان ده جعلنا نعلم كل شىء عن المسلمين وهم لايعلمون عنا شىء وهذا هو سبب الكارثه اذ ان البسطاء فى القرى وخاصة فى الصعيد يعتقدون بكفرنا حتى انهم يشعرون بانه ليس من حقنا مكان للصلاه وكأنه شرف كبير لهم هدم هذا المكان وانا لا ألوم عليهم لانهم لايدرون ماذا يفعلون امام ثقافه لايعلمون منها شيئا ولذا لى اقتراحات محددة
اولا : بما ان كل هؤلاء البسطاء متابعين لاذاعة القرآن الكريم ومسلسلات التليفزيون فاننا يجب ان نوجههم من خلالهم عن طريق المتنورين من الشيوخ والائمه بوضع برنامج متكامل يشرح لهم بعض مايدفعهم لاحترام عقيدة الاخرين خاصة من يعبد الله مثلهم .
ثانيا : تقوم الدوله بتخصيص ارض للكنائس فى المناطق المحرومه ويتم البناء تحت اشرافها دون مواربه او تعصب .
ثالثا : السماح ببعض البرامج المسيحيه طوال العام يقوم عليها المعتدلين ولا تكون وقت الفتنه ثم تنعدم .
رابعا : من يخالف القانون او يحرق او يدمر يجب محاكمته وتنفيذ الاحكام بجديه وليس التراخى الذى يؤدى الى استفحال الموقف وهذا ليس صعبا .
خامسا : بالطبع نعلم اننا ننفخ فى قربه مقطوعه لان الحكومه الغير ديموقراطيه تتسبب فى الفساد واوله افساد عقل الغلابه لانهم يعلمون انه طالما لاحق للمسيحيين عند الدوله لا فى وظائف او مراكز او اى شىء لذا يجب مقاومتهم

5 comments:

جبهة التهييس الشعبية said...

لو بيجمعوا توقيعات على الاقتراحات دي

انا اول الموقعين

الحمد لله اخيرا ابتدينا ننطق اهو

Incomplete said...

ده الكلام الصح اللي يقبله العقل والقلب
وأنا ثاني الموقعين

محمود الششتاوي said...

ايه يا جماعة
كلكو عمالين توقعو توقعوا وهو انا يعني ابن البطة السودا
طب انا كمان موقع

على فكرة فيه حاجة عايز استفسر عنها بخصوص البوست ده هو فيه رد من واحدة مسلمة عليه وفيه رد آخر لنفس الرجل بيوضح فيه وجهة نظره هل ده انقله هنا في بوست تاني ولا في تعليق على البوست ده ؟؟ قوليل على ما ارجع بليل

zenzana said...

ممكن نضيف اقتراح تاني
خاص بالنشئ في المدارس
انا كنت فاكرة زمان في المدرسة وقت حصة الدين كانوا لازم المسيحيين يطلعوا برا الفصل عشان ياخدوا حصة دين في مكان تاني والمدرس لما كان يشرح لنا دين اسلامي يفضل يتكلم ويشدد ان الدين عند الله الاسلام وكل الاديان التانية ساكا وملهاش لازمة
واول ما تخلص الحصة ويجوا الزملا من المسيحيين يسكت فجأة ويلحق بسرعة يقول اوعي تقولوا قدامهم حاجة
ودا لازال في المدارس خصوصا الابتدائي عبدالله بيفتن لي ع المدرسين

الاقتراح ان يدرس في المدارس الابتدائي تعريف بالاديان دون الفصل بين التلاميذ
المهم انا كنت بشوف في مدارس تانية مش في مصر كان بيبقي في تعريف بكل الديانات سواء السماوية او غيرها زي البوزية والهندوسية لتلاميذ الابتدائي وكلهم في فصل واحد مع بعض وكان لي الفرصة اني احضر في فصل مرتين وكانت المدرسة بتحاول تجاوب علي كل اسئلة
التلاميذ بمنتهي الحيادية

كمان في المدارس الاعدادي والثانوي
كان بيبقي في مواد دينية متعلقة بدراسة دين معين او يدرس مواد فلسفية

وفي في مصر اطبقت حالة قبل كدة بعد رفض تدوين خانة الديانة البهائية في البطاقة ان بعض ابناء البهائيين في المدارس أدوا الامتحان في مادة اسمها الاخلاق بدل الدين الاسلامي



انا مش عاوزة اطول عليكم لان دي بقت خطبة عمصاء لكن انا شايفة ان التعليم خصوصا الابتدائي ممكن يبقي من اهم مفاتيح التعايش بين ابناء هذا الوطن
تحياتي للجميع

yasmeen said...

الحقيقة أنا ضد فكرة التعصب و مع حق كل من يؤمن بمعتقد أقامة شعائره دون المساس بشعائر الأخرين و للمسيحيين في مصر نفس حق المسلمين ..............لأننا في بداية الأمر و نهايته ....مصريين